Konstitusiya Günündə evinin nömrəsini çəkdi, Milli Dirçəliş Günündə Xocavəndə köçdü
17.11.2026 [16:26]
Xəbərin mətni
17 Noyabr – Milli Dirçəliş Günündə Xocavənd torpağı öz əzəli sakinlərini, doğma sahiblərini qarşılayır. Onilliklər boyu davam edən yurd həsrəti artıq vüsal sevinci ilə əvəzlənib. Bu gün Xocavəndə ayaq basan hər bir keçmiş məcburi köçkünün üzündə həm illərin nisgilinin bitməsindən doğan rahatlıq, həm də azad Vətənə qovuşmağın böyük qüruru oxunur. Burada hər ailənin öz xatirəsi, öz mübarizə yolu və gələcəyə dair işıqlı arzuları var.