Çin Futbol Assosiasiyası Marçello Lippinin istefasını qəbul edib
15.11.2019 [13:56]
Xəbərin mətni
Çin Futbol Assosiasiyası italiyalı mütəxəssis Marçello Lippinin Çin millisinin baş məşqçisi vəzifəsindən istefasını qəbul edib.
AZƏRTAC Çin Futbol Assosiasiyasına istinadla xəbər verir ki, Marçello Lippi Çin millisinin 2022-ci ildə keçiriləcək futbol üzrə dünya çempionatının seçmə mərhələsində noyabrın 14-də Suriya yığmasına 2:1 hesabı ilə məğlub olmasından sonra istefa verib. Həmin oyundan sonra Çin millisi qrup lideri Suriyadan 5 xal geri olmaqla 7 xalla qrup ikincisidir. Çin komandasının dünya çempionatına vəsiqə qazanmaq şansı çox aşağıdır.
