Müharibənin qaçılmaz olması ilə bağlı artıq neçə ildir ki, regionun işləri ilə məşğul olan müxtəlif ekspertlər öz fikirlərini bildiriblər. Bütün bu illər ərzində bizə ünvanlanan sifarişlər arasında bir tezis üstünlük təşkil edirdi ki, münaqişənin hərbi həlli yoxdur. Bu işə aidiyyəti olan-olmayan, bölgə məsələləri ilə məşğul olan–olmayan, hamı elə bir ağızdan deyirdi ki, münaqişənin hərbi həlli yoxdur.
AZƏRTAC xəbər verir ki, bu fikirləri Prezident İlham Əliyev münaqişənin hərbi həllinin olmadığı barədə iddiaları şərh edərkən bildirib.