CƏMİYYƏT


Şəhid olduğu posta adı verilən qəhrəman döyüşçü

Vətən müharibəsi şəhidi Rəvan Yusif oğlu Əliyev Ağdam, Cəbrayıl və Zəngilan rayonları istiqamətində qəhrəmanlıqla döyüşüb. On doqquz yaşlı döyüşçü ölümündən sonra 3 medalla təltif olunub.
AZƏRTAC-ın bölgə müxbiri xəbər verir ki, Rəvan Əliyev 2001-ci il mayın 27-də Sumqayıt şəhərində doğulub. Sonradan ailəsi ilə birlikdə Quba şəhərinə köçüb. Quba şəhər Zaur Cəfərov adına 3 saylı tam orta məktəbdə təhsil alan Rəvan, eyni zamanda, musiqi məktəbində tar ifa etməyi də öyrənib. Evin tək oğul övladı olan Rəvan idmanla da yaxından maraqlanırdı. Futbol yarışlarında uğur qazanaraq fəxri fərmanlarla təltif edilib. 2016-cı ildə Bakı İdarəetmə və Texnologiya Kollecinə qəbul olub.

© Materiallardan istifadə edərkən hiperlinklə istinad olunmalıdır