Vətən müharibəsi qəhrəmanlarından olan Elmir Nəsirovun cənnətdəki ilk doğum günüdür. Yaşasaydı, 30 yaşı tamam olacaqdı və iki övladı, ailəsi ilə birlikdə doğum gününü qeyd edəcəkdi. İndi Elmirin qəhrəmanlıq dolu xatirəsi və ən uca məqam olan şəhidlik zirvəsi ailəsi üçün təsəlli yeri olub.AZƏRTAC-ın bölgə müxbiri xəbər verir ki, şəhid Elmir Nəsirovun doğum günündə doğmaları və yaxınları onun məzarını ziyarət ediblər, ruhuna dualar oxuyublar.