Tarla müşavirəsində fermerlər kökdənkənar yemləmənin üstünlükləri barədə məlumatlandırılıblar
10.04.2022 [13:02]
Xəbərin mətni
Taxılçılıqda yüksək məhsuldarlığa nail olmağın əsas şərtlərindən biri yemləmə gübrələrinin verilməsidir. Bu sahədə fermerlərin məlumatlandırılması üçün “Sara Qrup” Qapalı Səhmədar Cəmiyyətinin mütəxəssisləri Bərdə rayonunda fermerlərlə görüş keçirib.
AZƏRTAC-ın bölgə müxbiri xəbər verir ki, açıq tarla müşavirəsində fermerlərə gübrə və dərmanların xüsusiyyətləri, o cümlədən kökdənkənar yemləmənin üstünlükləri barədə məlumatlar verilib. Ötən il yemləmə gübrələrindən istifadə edən fermerin taxıl sahəsi ilə tanışlıq olub. Təsərrüfat sahibləri yemləmə gübrələrinin verilmə üsulu və vaxtı barədə məlumatlandırılıblar.
