Zərdab rayonu ərazisində olan 40595 hektar torpaq sahələrinin suvarılması Zərdab Suvarma Sistemləri İdarəsi tərəfindən həyata keçirilir. Ümumilikdə idarənin balansında 69 ədəd nasos stansiyası mövcuddur ki, həmin nasos stansiyalarında 110 ədəd aqreqat quraşdırılıb. Cari ildə əkin sahələrinin su təminatının yaxşılaşdırılması məqsədilə əlavə nasos stansiyanın quraşdırılması isə suvarmada yarana biləcək problemləri aradan qaldırıb. Ümumilikdə bu il Zərdab rayonunda 19 min hektar sahəyə yaxın taxıl əkilib. Hazırda taxıl sahələrinin suvarılması davam edir.