MƏDƏNİYYƏT


Gürcüstanın uşaq musiqi müsabiqəsində Azərbaycan mahnısı ifa olunub

Gürcüstanın Birinci kanalında yayımlanan “Ranina” uşaq musiqi layihəsində Azərbaycan mahnısı təqdim olunub. AZƏRTAC xarici mediaya istinadla xəbər verir ki, müsabiqənin iştirakçısı - 11 yaşlı Oto Bazeraşvili Azərbaycanın Xalq artisti Polad Bülbüloğlunun “Aman, aman ayrılıq” mahnısını ifa edib. Azərbaycan dilində ifanı münsiflər heyəti və tamaşaçılar alqışlarla qarşılayıblar. Münsiflər heyətinin üzvləri O.Bazeraşvilinin ifasını ən yüksək - 10 xalla qiymətləndiriblər.

© Materiallardan istifadə edərkən hiperlinklə istinad olunmalıdır