İQTİSADİYYAT


Tərtərli fermer: Yeni çiyələk növlərinin məhsuldarlığı həm yüksəkdir, həm də daha çox saxlamaq olur

Tərtər rayonunun İrəvanlı kəndində əhalinin əsas məşğuliyyət növlərindən biri çiyələk istehsalıdır. Kənd sakinləri müasir becərmə texnologiyalarından, damcı suvarma üsulundan istifadə etməklə, məhsuldar çiyələk növlərini becərməklə yüksək göstəricilərə nail olurlar.
İrəvanlı kənd sakini Hidayət Əhmədov AZƏRTAC-ın bölgə müxbiri ilə söhbətində bildirib ki, 10 ildir çiyələk əkini ilə məşğul olur.