Zığ-Hövsan yolunun əsaslı şəkildə yenidən qurulması yekunlaşır
06.09.2022 [16:34]
Xəbərin mətni
Zığ dairəsi-Hövsan-Türkan avtomobil yolunun Zığ-Hövsan hissəsinin texnoloji ardıcıllığa riayət edilməklə və yüksək keyfiyyətlə yenidən qurulması yekunlaşmaq üzrədir.
Azərbaycan Avtomobil Yolları Dövlət Agentliyindən AZƏRTAC-a bildirilib ki, yolun uzunluğu 6,8 kilometr, eni 32 metr təşkil edir. Zığ qəsəbəsi istiqamətində 2, Hövsan qəsəbəsi istiqamətində isə 3 olmaqla 5 hərəkət zolağından ibarət olacaq yol 1b texniki dərəcəyə uyğun olaraq inşa olunur. Yol çiyinlərinin eni 3 metrdir.
