Azərbaycan Respublikasının Pakistandakı səfirliyi bu ölkənin aparıcı ali təhsil ocaqlarından olan Allama İqbal Universitetində Heydər Əliyevin 100 illik yubileyinə həsr edilmiş fotosərgi təşkil edib.
Səfirlikdən AZƏRTAC-a bildirilib ki, fotosərgidə Azərbaycan Respublikasının Pakistandakı səfiri Xəzər Fərhadov, Allama İqbal Universitetinin rektoru Nəsir Mahmud, universitetin müəllim-tələbə heyəti və Pakistan KİV-ləri iştirak edib. Sözügedən sərgidə Azərbaycan xalqının Ümummilli Lideri Heydər Əliyevin zəngin həyat və fəaliyyətinin müxtəlif dövrlərini, eləcə də Pakistana rəsmi səfərini əks etdirən fotolar yer alıb.