CƏMİYYƏT


Son iki ayda Suraxanıda narkotikə görə 60 nəfər saxlanıldı

Suraxanı rayonunda mart-aprel aylarında keçirilən əməliyyatlar zamanı narkotiklərin qanunsuz dövriyyəsi ilə məşğul olan 60, üstündə odlu silah gəzdirən 2 nəfər saxlanılıb.
Bu barədə AZƏRTAC-a Daxili İşlər Nazirliyinin mətbuat xidmətindən məlumat verilib. Bildirilib ki, narkotiklərin satışı ilə məşğul olan 7 nəfər - Seymur Rəşidov, Xəyal Sultanov, İbrahim İbrahimov, Rəşad Məmmədov, Namin Bədəlov, Səməndər Şükürov və Mikayıl Süleymanov Suraxanı Rayon Polis İdarəsinin əməkdaşlarının Hövsan, Yeni Günəşli, Yeni Suraxanı və Əmircan qəsəbələrində keçirilən əməliyyatlar zamanı saxlanılıblar.