Tərkibi ağır metallardan ibarət olan batareyaları ümumi zibil qablarına atdığımız zaman ağır metallar torpağa, oradan da yeraltı sulara qarışaraq həm ətraf mühitə, həm də insan orqanizminə zərər vurur.
Ekologiya və Təbii Sərvətlər Nazirliyi və “Qırmızı Ürəklər” Fondu tərəfindən həyata keçirilən “batareyaları təhvil ver və təbiəti qoru” layihəsi çərçivəsində işlənmiş batareyaları digər tullantılardan ayırmaq, onların ətraf mühitə və insan sağlamlığına mənfi təsirlərini minimuma endirmək üçün müəyyən ərazilərə qutular qoyulub.