Balakən şəhərində ikimərtəbəli yaşayış binalarından birinin mənzilində tüstülənmə sonradan alovla əvəzlənib. Şəhərin Əli Ansuski küçəsində baş verən yanğına dərhal hadisə yerinə FHN-nin Balakən Yanğından Mühafizə Hissəsinin canlı qüvvəsi və teznikası cəlb edilib. Görülən qabaqlayıcı tədbirlər nəticəsində yanğın hadisəsinin genişlənməsinin qarşısı alınıb, yanğın digər mənzillərə keçmədən söndürülüb. Hadisə nəticəsində xəsarət alan olmayıb. İlkin ehtimallara görə, yanğın hadisəsi elektrik naqillərindəki qısa qapanmadan baş verib.