Son bir neçə ayda unun qiyməti 30 faizdən artıq ucuzlaşsa da, çörəyin qiymətində enmə demək olar ki, hiss olunmur. Belə ki, 38-40 manata qədər bahalaşan 50 kiloqramlıq bir kisə un hazırda topdansatış məntəqələrində 26-28 manata təklif olunur. Marketlərdə isə çörəyin qiyməti 55-60 qəpik arası dəyişir və son beş ayda cəmi beş qəpik ucuzlaşma müşahidə edilib. İqtisadçı ekspert Rəşad Hüseynin sözlərinə görə çörəyin qiymətinin hələ də kifayət qədər ucuzlaşmamasının əsas səbəbi istehsalatda çörəyin maya dəyərinə daxil olan xərclərlə bağlıdır.