Avtomobil yollarında qəzaların sayı artıb. Xüsusən rayon yollarında baş verən qəzaların 85 faizi magistral yolların yaşayış məntəqəsindən keçən hissəsində baş verir. Yay aylarında regionlara tez-tez səfər edildiyi üçün bu istiqamətdə ən təhlükəsiz seçim sürət qatarlarıdır. Lakin bu qatarların bir çox bölgələrimizə reysləri mövcud deyil. Hazırda ölkəmizdə doqquz sürət qatarı istifadədir. Bu qatarlar Abşeron dairəvi dəmir yolu xətti, Bakı-Ağstafa və Bakı-Qəbələ istiqamətində istifadə olunur. 2024-cü ildə isə 10 ədəd sürətli qatar alınması planlaşdırılır ki, bu da dəmiryolu vasitəsi ilə sərnişindaşımanın inkişafına töhfə verə bilər.