Azərbaycanın 44 günlük Vətən müharibəsindəki zəfəri 10 noyabr 2020-ci ildə üçtərəfli bəyənatın əsas müddəalarına yansıdı. Ermənistan bu bəyanata imzasını ataraq 30 ildi boyun qaçırdığı öhdəlikləri artıq yerinə yetirməliydi. Lakin bunun tam əksini görürük. Aradan keçən 3 il ərzində qanunsuz erməni silahlı birləşmələri ərazilərimizdə təxribatlar törətdi, yeni minalar basdırdı, qanunsuz silah daşınması həyata keçirdi, hətta ölkəmizin erməni sakinləri üçün təhlükəsiz keçidləri təmin etdiyi Laçın sərhəd buraxılış məntəqəsinə basqın etməkdən belə çəkinmələdilər. Bütün bu hadisələr fonunda aydındır ki, Azərbaycan hüquqi yolla sülhə nail olmağa, Ermənistan isə qanunsuz yollara əl ataraq mütləq sonu gecikdirməyə çalışır.