Abşeron rayonu Masazır qəsəbəsindəki evlərdən birində azyaşlı Ə.Məmmədli ağır yanıq xəsarətləri alıb. Ana dərhal təcili tibbi yardıma müraciət etsə də, onların gec gələ biləcəyini düşünərək övladını götürərək küçəyə çıxıb. Bu zaman o, ərazidə xidmət aparan Zəngilan RPŞ-nin DYP Bölməsinin əməkdaşlarını görərək onlara müraciət edib.
Uşağın təcili xəstəxanaya çatdırılmalı olduğunu görən yol polisi əməkdaşları dərhal ana və övladını avtomobilə əyləşdirərək onları paytaxtın Nərimanov rayonunda yerləşən Respublika Yanıq Mərkəzinə çatdırıblar.