İşğaldan azad edilmiş ərazilərimizdə məskunlaşaraq işləyən mütəxəssislərin ilkin maddi-məişət şəraitinin dəstəklənməsi məqsədilə onlara birdəfəlik müavinətin təyin olunmasına başlanılıb.
Bu barədə AZƏRTAC-a Əmək və Əhalinin Sosial Müdafiəsi Nazirliyinin Sosial təminat siyasəti şöbəsinin müdir müavini Pərviz İbrahimli məlumat verib. O deyib ki, birdəfəlik müavinət elektron sistem üzərindən proaktv qaydada, yəni həmin işçilərin müraciət etməsinə və sənəd təqdim olunmasına ehtiyac olmadan həyata keçirilir. Bununla yanaşı, onların aylıq vəzifə maaşlarına əlavələr hesablanması və hər il 5 gün əlavə məzuniyyət verilməsi də nəzərdə tutulub.