Hazırda Bakıda ictimai nəqliyyat vasitələrində gediş haqqı üçün “Bakıkart” plastik kartlarından istifadə olunur. Bu kartlar həm məhdud istifadə üçün, həm də uzun müddətli istifadə üçün tətbiq olunur. Lakin bir çox inkişaf etmiş ölkələrdə ictimai nəqliyyatda artıq visa kartlarla ödəniş sisteminə keçid olunub. Bu yeni və daha sərfəli sistemin ölkəmizdə də tətbiq olunması məsələsi müzakirə olunur. İnformasiya Texnologiyaları üzrə ekspert Elvin Abbasov bildirdi ki, “Bakı kart”ın yaradılmasında əsas məqsəd vətəndaş üçün bir həll yaratmaq idi. Ancaq hazırda tendensiya dəyişir, yeni növlər, yeni həllər yaradılır. Ölkəmizdə də bu istiqamətdə yeni addımlar atılır.