Şəkidə qasırğa fəsadlar törədib
03.09.2023 [14:57]
Xəbərin mətni
Bu gecə Şəki şəhərində güclü yağış və küləklə müşahidə olunan qasırğa fəsadlar yaradıb.
AZƏRTAC xəbər verir ki, güclü küləklə müşahidə olunan qasırğa daha çox şəhərin yeni yaşayış massivində, 104-cü məhəllədə müşahidə olunub. Belə ki, külək bir neçə evin damını tamamilə dağıdaraq bir neçə yüz metr aralıya atıb. Həmçinin sahibkarlıq obyektinin də damını uçurub. Külək ərazidən keçən elektrik dirəklərini, yeni inşa edilən daş divarları da aşırıb.
