Türk Dövlətləri Təşkilatı çərçivəsində Mülki Müdafiə Mexanizminin yaradılması təşəbbüsünə görə dost və qardaş Türkiyə dövlətinə minnətdarlığımı bildirirəm.
AZƏRTAC xəbər verir ki, bu sözləri Türk Dövlətləri Təşkilatına (TDT) üzv və müşahidəçi ölkələrin Fövqəladə halların idarə edilməsi üzrə nazirlərinin ikinci iclasında Azərbaycan Respublikasının fövqəladə hallar naziri general-polkovnik Kəmaləddin Heydərov deyib. Nazir Fövqəladə halların idarə edilməsi üzrə Nazirlərinin İkinci İclası və iclas çərçivəsində yekun müzakirəsi keçiriləcək “Türk Dövlətləri Təşkilatının Mülki Müdafiə Mexanizminin yaradılması haqqında Saziş”in qurumlar arasında əlaqələrin daha da genişlənməsinə mühüm töhvə verəcəyinə əminlik ifadə edib.