Yeni tədris ilinin başlamasına olduqca az qaldığı bir vaxtda tələbələr arasında müzakirə olunan mövzu Bakı şəhərində kirayə ev qiymətləridir. Belə ki, son günlər kirayə qiymətlərində artım müşahidə edilir. Elə tələbələrin ən çox şikayət etdiyi məsələ də baha qiymətə şəraitsiz evlərin təklif olunması və həmçinin tələbə oğlanlara evlərin verilməməsidir.  Əmlak eksperti Vüqar Oruc isə bu problemin həlli üçün bir çox xarici ölkələrin tətbiq etdiyi modeli təklif edir. Onun sözlərinə görə bütün ali təhsil müəssisələri şəhər kənarına köçürülməli və tələbələrin qalması üçün kampuslar tikilməlidir.