Son günlər yağan aramsız yağışlar nəticəsində Oğuz rayonun Filfilli kəndində dağa yaxın ərazilərdə torpaq sürüşməsi qeydə alınıb.
Dağətəyi ərazidən sürüşən torpaq kütləsi elə dağa yaxın yamacda həyəti olan kənd sakini Eynulla Süleymanovun həyətyanı sahəsinə tökülüb.
Sakinlərin sözlərinə görə ötən həftə və son iki gündə yağan aramsız leysan yağışları nəticəsində dağın bir neçə yerində toraq sürşməsi müşahidə olunur. Bu hadisənin ilk dəfə yaşandığını bildirən kənd sakinləri gələcəkdə təkrarlanmaması üçün tədbirlərin görülməsini vacib hesab edir.
Kənd icra nümayəndəliyindən bildirilib ki, sürüşmə zonasını barədə müvafiq orqan və təşkilatlar məlumatlandırılıb.