CƏMİYYƏT


Zaqatalanın Yolayrıc kəndini su basdı

Zaqatala rayonunda dünən gecə saatlarından etibarən intensiv yağan yağış güclü külək və bəzi ərazilərdə dolu ilə müşahidə edilib. Aramsız yağan yağış, yenə də fəsadsız ötüşməyib. 200 dən artıq təsərrüfata ziyan dəyib.
Leysan xarakterli yağış dağıdıcı gücə malik çaylarda suyun artmasına səbəb olub. Suyun artması ilə rayonunun bir çox çaylarında suyun səviyyəsi artıb və nəticədə rayonunun Qazangül qəsəbəsi, Yuxarı və Aşağı Tala, Car, Yolayrıc
kəndlərinə sel düşüb. Qazangül qəsəbəsi və rayon mərkəzini birləşdirən körpünün kənarında iri oyuqlar yaranıb ki, bu da həmin ərazidə gediş -gəlişi məhdudlaşdırıb. Eyni zamanda çay kənarında olan evlər ziyan görüb.