"Salam Azərbaycan, salam olsun Türkiyəmiz, salam olsun türk dünyasına!” O, bütün türk dünyasına belə xitab edirdi, belə salamlayırdı. Çünki Qənirə Paşayevanın içinə ürəyinə sığmayan böyük Turan sevgisi vardı. O, Türkiyə aşıqi idi. Türkiyəni Azərbaycanı qədər sevirdi. Azərbaycanın Qarabağını isə canından da çox sevirdi. Azərbaycanın haqq səsini təkcə türk dünyasından deyil, BMT tribunalarından da dünyaya çatdırmaq üçün bir deputat, bir millət vəkili, bir azərbaycan vətəndaşı kimi əlindən gələni edirdi.