Bayraq bizi Vətənimizlə, millətimizlə, tariximizlə birləşdirən dərin rəmzdir. Bu gün ilk dəfə olaraq Dövlət Bayrağı günümüzü fərqli, daha sevincli və böyük qürur hissi ilə qeyd edirik. Hər bir azərbaycanlı bayrağa baxanda tarixi hadisələri, şücaətləri və fədakarlıqları görür. Bu gün ay-ulduzlu üçrəngli bayrağımızın cəsarətlə dalğalanması uğrunda minlərlə azərbaycanlı canını fəda etdi. Elə bu səbəbdən də müqəddəs bayraq bizə birliyi, vətəndaş məsuliyyətini və millətimizə ehtiramı öyrədir və sözün əsl mənasında milli ruhumuzun simvoluna çevrilir.