Amerika Birləşmiş Ştatları Ermənistanda kiçik nüvə reaktorlu atom elektrik stansiyası tikmək niyyətindədir. Bu barədə artıq bir neçə gündür ki, erməni mediasında xəbərlər dərc olunur. Dəyəri milyardlarla ölçülən bu invesitisiya layihəsinin niyə məhz Ermənistanda gerçəklişdirilməsi özlüyündə maraq doğurur. Politoloq Mətin Məmmədlinin sözlərinə görə bu layihənin həyata keçirilməsi yeni bir məsələ deyil. Belə ki, hələ 2022-ci ildə Ermənistanla ABŞ arasında atom enerjisi üzrə əməkdaşlıqla bağlı memerandum imzalanıb.