Özbəkistandakı Heydər Əliyev adına Azərbaycan Mədəniyyət Mərkəzinin layihəsi ilə bu ölkənin Kokand şəhəri Amiriy adına Mərkəzi Kitabxanasına Azərbaycana dair zəngin kitab kolleksiyası hədiyyə edilib.
Mədəniyyət Mərkəzindən AZƏRTAC-a bildirilib ki, əvvəlcə qonaqlar üçün kitabxanaya ekskursiya təşkil olunub.
Tədbirdə çıxış edən İnformasiya-kitabxana mərkəzinin direktoru Rüstəm Xusanov kitabxanaların cəmiyyətimizdəki rolundan, Özbəkistan Prezidenti Şavkat Mirziyoyevin kitab və mütaliə, kitabxana elminin dövlət siyasəti səviyyəsinə yüksəldilməsi kimi aktual məsələlərə diqqətindən danışıb. O qeyd edib ki, Özbəkistandakı Heydər Əliyev adına Azərbaycan Mədəniyyət Mərkəzi tərəfindən “Amiriy” İnformasiya-kitabxanaya hədiyyə edilən nəşrlər iki qardaş xalq arasında daha bir dostluq körpüsü rolunu oynayacaq.