Dünyaya yenicə göz açan uşaq üçün ana südündən dəyərli qida yoxdur. Lakin bu gün Azərbaycanda doğulan uşaqların 50 faizə qədəri elə ilk gündən süni yeməklərlə qidalandırılır. Xüsusi reseptlə hazırlanan bu yeməklər isə xaricdən gətirilir. Həkim pediatr Qoşqar İsmayılovun sözlərinə görə süni uşaq qidalarının keyfiyyəti nə qədər yüksək olsa belə, ana südünü əvəz edə bilmir və ananın sağlamlığı imkan verdiyi halda təbii qidanın süni qidayla əvəz olunması düzgün deyil.