1997-ci il senytabr ayı... Prezident Heydər Əliyevin İtaliyaya rəsmi səfəri baş tutur. Amma tarixə qayıdıb bu səfərin rəsmi tərəfi haqqında deyil, maraqlı bir görüşdən danışacağıq. İtaliyanın mədəniyyətinə, memarlıq və incəsənətinə xüsusi önəm verən Ulu Öndər öz istəyi ilə Kapri adasını da ziyarət edir. Elə həmin vaxt nikahları yenicə kəsilən bir cütlüyün Piazzetta Meydanında Heydər Əliyevlə təsadüfi və unudulmayacaq görüşü gerçəkləşir. Heydər Əliyev ailə həyatı quran gənclərə xoşbəxtlik arzulayır və onlara Azərbaycan xalçası hədiyyə edir.