Sosioloji Tədqiqatlar Mərkəzi fevralın 7-də keçirilmiş prezident seçkiləri ilə bağlı keçirdiyi “exit-poll”un nəticələrini açıqlayıb.
AZƏRTAC xəbər verir ki, bununla bağlı keçirilən mətbuat konfransında Mərkəzin nümayəndəsi Natalya İsayeva “exit-poll”un xüsusi hazırlanmış proqram əsasında aparıldığını bildirib. Qeyd edib ki, “exit-poll” 25 seçki dairəsi üzrə 125 seçki məntəqəsində keçirilib. Sorğulara 5012 respondent cəlb olunub. Onların 24 faizi Bakı şəhərini, 7,9 faizi Gəncə, Sumqayıt şəhərlərini əhatə edib. 44,3 faizi isə kənd sakinləri olub.