Azərbaycanda yeni mövsümlə əlaqədar kənd təsərrüfatı məhsullarının, xüsusilə də meyvə-tərəvəzlərin qiymətində müəyyən dəyişikliklərin olacağı gözlənilir. Kənd Təsərrüfatı üzrə ekspert Akif Nəsirlinin sözlərinə görə, buna səbəb bu il ölkəmizdə məhsulun bol olmasıdır. Ekspert həmçinin bildirdi ki, məhsul bolluğu ilə qiymətlərə də müsbət təsir göstərəcək, lakin bu ucuzlaşmadan fermerlerin iqtisadi cəhətdən zərər görməməsi üçün bir sıra amillər də nəzərə alınmalıdır.