Texniki Universitetin İnnovativ İqtisadi Araşdırmalar Mərkəzi Dünya iqtisadiyyatında inflyasiya, onun Azərbaycan iqtisadiyyatına təsiri, ölkədə antiinflyasiya tədbirlərinin həyata keçirilməsi mövzusunda brifinq keçirib. Brifinqdə çıxış edən Mərkəzin rəhbəri Elşad Məmmədov bildirib ki, son onilliklərdə Federal Ehtiyatlar Sistemi, Avropa Mərkəzi Bankı və digər əsas dünya ehtiyat valyutalarının emitentləri tərəfindən həyata keçirilən az qala məhdudiyyətsiz emissiya dünya iqtisadiyyatının deflyasiya mexanizmi vasitəsilə böhrandan çıxmasını qeyri-mümkün edir və bununla da dollara söykənən dünya iqtisadi sisteminin dayanıqlı olması obrazını yaradıb.