Son vaxtlar sosial şəbəkələr vasitəsilə edilən kibercinayətkarlıqla bağlı şikayətlər artıb. Müxtəlif yollarla vətəndaşların bank hesabları və şəxsi məlumatları oğurlanır. Uğur Fərəcov da diqqətsizliyin qurbanına çevrilib. Belə ki, müştərisi olduğu bankın adı ilə ona 100 manat hədiyyə olunduğu mesajı gəlib. Sosial şəbəkə üzərindən edilən bu şirnikləndirici təkliflə şəxsi məlumatları əldə edilib. Və bu yolla hesabından pul oğurlanıb.