Əlverişli təsərrüfat sahələrindən biri də qabaq əkinidir. Bu tərəvəz bitkisindən fermerlər bir ildə dörd dəfə məhsul götürə bilirlər. Qərb bölgəsində son illər bu bitkinin becərilməsinə maraq artmaqdadır.
AZƏRTAC xəbər verir ki, qabaq Tovuz rayonunda yalnız Hunanlar kəndində və ətraf ərazilərdə əkilir. Susevər olduğundan əsasən Kür çayının yaxınlığında, ya da su hövzələrinə yaxın torpaq sahələrində becərilir. Erkən yazda qapalı istixana şəraitində becərilən qabağı, havalar istiləşəndə açıq sahələrdə əkirlər.