Bu gün 2024-cü ilin sonuncu - ikinci Ay tutulması baş verib. Ay tutulması Bakı vaxtı ilə saat 04:41-də başlayıb, saat 08:47-də sona çatıb. Tutulmanın maksimum həddi isə saat 06:44-ə təsadüf edib.
Bunu AZƏRTAC-ın bölgə müxbirinə müsahibəsində Nəsirəddin Tusi adına Şamaxı Astrofizika Rəsədxanasının elmi işçisi Aytac İsgəndərova deyib.
Onun sözlərinə görə, 2024-cü il üçün ümumilikdə iki Günəş və iki Ay tutulması proqnozlaşdırılıb ki, artıq onlardan üçü geridə qalıb. İlin sonuncu Günəş tutulması isə oktyabrın 2-də olacaq.