Tarixi zəfərə doğru bir addım daha yaxınlaşmışdıq. Hər keçən gün, rəşadətli ordumuz tarixi ədaləti bərpa edirdi. Müqəddəs missiyamızı 40 gündür layiqincə yerinə yetirirdik. 5 noyabr 2020-ci ildə Ermənistan ordusu yenə də təxribatlardan əl çəkmədi. Goranboy rayonunun Meşəli kəndinə atılan “Smerç” raketindən ayrılan iki bombacıq partlamadı. Cəbhədə, Ağdərə və Xocavənd istiqamətlərində, döyüş əməliyyatları müxtəlif intensivlikdə davam edirdi. Zəngilan rayonu istiqamətində Ermənistan ordusunun diversiya cəhdləri də vaxtında dəf edildi.