Azərbaycan Metrologiya İnstitutu ölkədə keyfiyyət infrastrukturunun inkişaf etdirilməsinə, bu məqsədlə ölkədə metroloji xidmət infrastrukturu imkanlarının inkişafının genişləndirilməsinə çalışır.
AZƏRTAC xəbər verir ki, bu sözləri Azərbaycan Metrologiya İnstitutunun baş direktoru Xamis Seyranov jurnalistlərə müsahibəsində söyləyib.
O qeyd edib ki, Azərbaycan Respublikası Prezidentinin Sərəncamı ilə təsdiq edilmiş 2022-2026-cı illər Azərbaycan Respublikasının sosial-iqtisadi strategiyasının təbliğat planına uyğun olaraq Azərbaycan Metrologiya İnstitututunda laboratoriya şəbəkəsinin qurulması nəzərdə tutulub.