Artıq Azərbaycanda restoranlar da “ulduz”la qiymətləndiriləcək. Belə ki, getdiyimiz restoranın 3, 4 və ya 5 ulduz olmağını asanlıqla təyin edə biləcəyik. Yüksək reytinq almaq istəyən restoranlar öz obyektlərində “Qida təhlükəsizliyi haqqında” Qanuna uyğun olaraq HACCP sistemini qurmalıdır. Bu sistem obyektdə təqdim olunan məhsulun təhlükəsizliyini təmin edir. Yəni, qida təhlükəsizliyi tələblərini düzgün icra edən ictimai iaşə obyekləri xidmətlərinə uyğun “ulduz” alacaqlar.