Melani Coli niyə faktlara deyil, saxta hekayələrə inanmağı seçir?
25.04.2025 [16:33]
Azərbaycana qarşı hər zaman qərəzli mövqeyi ilə seçilən Kanadanın xarici işlər naziri Melani Coli yenidən ermənipərəst açıqlaması ilə gündəmə gəlib. Kanadalı nazir öz sosial şəbəkə hesabında qondarma erməni soyqırımının 110-cu ildönümü ilə bağlı paylaşım edib. Xanım nazir Qarabağı könüllü əsasda tərk edən ermənilər barədə də danışıb. Guya 120 min erməninin öz torpaqlarından didərgin salındığını qeyd edib.Kanadanın xarici işlər naziri artıq neçənci dəfədir ki, etik çərçivə və normaları aşaraq anti-Azərbaycan məzmunlu bəyanatlarla çıxış edir.
