YÖS-də yüksək nəticə qazanan astaralı məktəblinin uğuru
09.07.2025 [13:35]
Xəbərin mətni
Saysız-hesabsız diplomlar, fəxri fərmanlar, sertifikatlar… Onların hər biri zəhmət, istedad və güclü iradə sayəsində qazanılıb. Bütün bu uğurlar Astara rayonunun Təngərüd kənd tam orta məktəbinin builki məzunu Fatimə Gənciyevanın adına yazılıb. O, hələ cəmi 14 yaşı olanda Türkiyənin iki nüfuzlu universitetindən yüksək nəticə ilə qəbul cavabı alıb. Ancaq gedə bilməyib. İllər keçdi, zəhməti, əzmi və intellekti onu bir daha uğura apardı. Bu il orta məktəbi uğurla başa vuran Fatimə həmin nailiyyətini yenidən təkrarlayıb. O, Türkiyədə yenidən nüfuzlu ali məktəblərə qəbul olunsa da, paralel olaraq Azərbaycanda da universitetə daxil olmaq məqsədilə sənədlərini təqdim edib.
