Dünya çempionatında birincilik qazanmış Azərbaycanın gənc güləşçiləri Vətənə dönüb
19.08.2015 [11:17]
Xəbərin mətni
Braziliyanın Salvador şəhərində gənclər arasında dünya çempionatında qızıl medalların sayına görə birincilik qazanmış sərbəst güləş üzrə Azərbaycan yığmasının üzvləri avqustun 19-da Vətənə dönüblər.
Yarışa böyük məşqçi Əsgərxan Novruzov və məşqçi Rövşən Hacıyevin rəhbərliyi altında yollanan sərbəst güləşçilərimiz dünya çempionatını 4 qızıl və 1 bürünc medalla başa vuraraq idman tariximizə yeni parlaq səhifə yazıblar.
