Xalqın yaddaşını simlərdə yaşadanlar: Qazaxdan ucalan saz sədası
19.03.2026 [13:28]
Xəbərin mətni
Qazax rayonu təkcə aşıqları ilə deyil, həm də mahir sazbəndləri ilə tanınır. Bu bölgədə saz sadəcə musiqi aləti deyil, həm də xalqın yaddaşı, ruhu və tarixin canlı daşıyıcısıdır. Əsrlər boyu bu torpaqda formalaşan ustad-şagird ənənəsi sayəsində sazın hazırlanma sirləri nəsildən-nəslə ötürülərək günümüzə qədər gəlib çatıb. Qazax sazbəndlərinin əllərində canlanan hər bir alət həm də bu qədim yurdun sənət eşqini və milli kimliyimizi dünyaya bəyan edir.
