Sadiq Qurbanov: Xəzərdə mütəmadi monitorinqlər aparılmalıdır
08.09.2026 [11:47]
Xəbərin mətni
İqlim dəyişmələri artıq dünyanın müxtəlif su hövzələrində ciddi dəyişikliklər yaradıb. Temperaturun yüksəlməsi, yağıntı rejiminin dəyişməsi, çay axınlarının zəifləməsi və buxarlanmanın artması su ehtiyatlarının vəziyyətinə dair artıq yeni proqnozların meydana gəlməsinə səbəb olub. Bu baxımdan Xəzər dənizi də bizim üçün xüsusi əhəmiyyət daşıyır. Bunu Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov “Bakı İqlim Fəaliyyəti Həftəsi 2026”nın (BCAW2026) ikinci günündə keçirilən "Daxili su hövzələrində iqlim dəyişmələrinin yaratdığı çağırışlar: Xəzər dənizi nümunəsi" mövzusunda panel sessiyada çıxışı zamanı deyib.
