Kanadanın Toronto şəhərinin "Dandas Square" mərkəzi meydanında 31 mart - Azərbaycanlıların Soyqırımı Günü münasibətilə aksiya keçirilib. Bu barədə AZƏRTAC-a Kanadada fəaliyyət göstərən EL TV-dən məlumat verilib. Bilidirilib ki, "Azerbaijani Canadian Association"un (ACA) təşkilatçılığı ilə keçirilən etiraz aksiyasında Toronto və ətraf şəhərlərdə yaşayan azərbaycanlı və türk icmasının 200 nəfərə yaxın nümayəndəsi iştirak edib. 3 saata qədər davam edən aksiya zamanı şəhərin sakinlərinə və qonaqlarına erməni hərbi birləşmələrinin 1918-ci ildə azərbaycanlıların başına gətirdiyi hadisələr, həyata keçirdikləri soyqırımı aktı, eləcə də Ermənistan-Azərbaycan, Dağlıq Qarabağ münaqişəsi və Xocalı soyqırımı haqqında məlumat verilib, bukletlər paylanılıb.