“Made in Azerbaijan” məhsulları Çindao sərgisində nümayiş olunur
25.05.2019 [15:46]
Xəbərin mətni
Çinin Şandun vilayətinin Çindao şəhərində Şanxay Əməkdaşlıq Təşkilatında (ŞƏT) təmsil olunan ölkələrin iştirakı ilə beynəlxalq investisiya və ticarət sərgisi, paralel olaraq ŞƏT-in regional iqtisadi və ticarət əməkdaşlığı forumu işə başlayıb.
AZƏRTAC xəbər verir ki, Çin Beynəlxalq Ticarət Palatasının, Çindao Şəhər Xalq Hökumətinin birgə təşkilatçılığı, ŞƏT katibliyinin dəstəyi ilə keçirilən sərgi-forumun açılış mərasimində çıxış edən vilayətin vitse-qubernatoru Ren Ayrun və Şanxay Əməkdaşlıq Təşkilatının baş katibi Vladimir Norov bu cür tədbirlərin qurumda təmsil olunan ölkələr arasında ticari-iqtisadi əməkdaşlığın genişlənməsinə müsbət təsir göstərdiyini bildiriblər.
