MƏDƏNİYYƏT


Bakıda Beynəlxalq Memarlar İttifaqının növbədənkənar Baş Assambleyası işə başlayıb

İyunun 11-də Bakıda, Heydər Əliyev Mərkəzində Beynəlxalq Memarlar İttifaqının (BMİ) növbədənkənar Baş Assambleyası öz işinə başlayıb.

AZƏRTAC xəbər verir ki, iclasın gündəliyi təsdiq olunduqdan sonra Beynəlxalq Memarlar İttifaqının fəaliyyəti barədə təşkilatın prezidenti Tomas Vonyenin hesabatı dinlənilib.

Tədbirdə Azərbaycan Memarlar İttifaqının İdarə Heyətinin sədri və BMİ-nin Şura üzvü Elbay Qasımzadə çıxış edərək Bakıya gəlib bu tədbirlərdə iştirak etdiklərinə görə Assambleya üzvlərinə təşəkkürünü bildirib. O, əminliklə qeyd edib ki, qonaqlar öz vətənlərinə ölkəmizlə bağlı yaxşı təəssüratlarla qayıdacaqlar.

© Materiallardan istifadə edərkən hiperlinklə istinad olunmalıdır