SİYASƏT


Respublika Günü və Azərbaycanın diplomatik xidmət orqanlarının 100 illiyi Meksikada da qeyd olunub

Azərbaycanın Meksikadakı müvəqqəti işlər vəkili Məmməd Talıbov Azərbaycan Xalq Cümhuriyyətinin tarixindən danışaraq onun Şərqin ilk demokratiyası olduğunu deyib. O, Azərbaycan xalqının hələ 1918-ci ildə mütərəqqi və qabaqcıl düşüncə nümayiş etdirərək müstəqil, demokratik və dünyəvi dövlət qurduğunu, bütün vətəndaşlara bərabər hüquqların təmin etdiyini vurğulayıb. Diplomat 1991-ci ildə müstəqilliyini bərpa etmiş Azərbaycan Respublikasının qarşılaşdığı çətinliklər, o cümlədən Ermənistanın təcavüzünə baxmayaraq, Azərbaycan xalqının ümummilli lideri Heydər Əliyevin ardıcıl, uzaqgörən və müdrik siyasəti nəticəsində ölkəmizin yenidən ayağa qalxıb qüdrətləndiyini deyib. O, bu gün Prezident İlham Əliyevin rəhbərliyi altında Azərbaycan Respublikasının bütün sahələrdə dinamik inkişafa nail olduğunu qeyd edib, ölkəmizin beynəlxalq arenada artan nüfuzundan danışıb.

© Materiallardan istifadə edərkən hiperlinklə istinad olunmalıdır