CƏMİYYƏT


Heydər Əliyev Mərkəzindən koronavirusun ən çox yayıldığı İtaliyaya dəstək

Azərbaycanın koronavirus ("COVID-19") xəstəliyinin geniş yayıldığı ölkələrlə həmrəylik ifadəsi olaraq aprelin 8-də Heydər Əliyev Mərkəzinin binası üzərinə İtaliya Respublikasının bayrağı videoproyeksiya olunub. Mərkəzdən AZƏRTAC-a verilən məlumata görə, bayraq təsvirini italyan musiqisi müşayiət edib.
Qeyd edək ki, aprelin 3-dən başlayaraq hər gün virusdan zərərçəkən bir dövlətin bayrağı həmin ölkənin musiqinin sədaları altında Mərkəzin binası üzərinə proyeksiya olunur. Videoproyeksiya ölkələrin adlarının ingilis dilindəki əlifba ardıcıllığına uyğun olaraq həyata keçirilir. Bununla Heydər Əliyev Mərkəzi "COVID-19"un geniş yayıldığı dövlətlərə və onların xalqlarına dəstəyini, hörmət və ehtiramını ifadə edir.

Embed code:

© Materiallardan istifadə edərkən hiperlinklə istinad olunmalıdır